Фольклор – со калыклэн лулпуш культураез, солэн творчествоез – устной, музыкальной, хореографической но мукет. Школаын дышетскыкуд, тон тодматскид ни удмурт калык творчествоен. Ойдо али тодэ ваём, тодом, мар йырад кылем!

Удмурт калыклэн трос писательёсыз но кылбурчиосыз, кудъёсыныз вань удмурт адямиос данъясько. Соос сярысь одно ик шудонъёс но, интерактивной литерратурной карта но лэсьтоно.
Нош али тодад вай Г. Д. Красильниковлэн улонэныз но творчествоеныз.

Удмурт кыл урал кылъёслэн финн-угор семьяысьтызы перм группаяз пыре. Кылъя удмуртъёслы тужгес но матысьёсыз луо комиос. Удмурт кыл чебер но тунсыко. Сайтлэн та бамаз интыямын азинтӥсь но дышетӥсь шудонъёс. Но валаны кулэ: котькуд дышетӥсь шудон азинтӥсь луыны кулэ, нош азинтӥсез – дышетӥсь.

Шаертодон – со элькунэз, уллосвылэз, карез, гуртэз пӧртэм ласянь рос-прос эскерон: интылэсь географизэ, историзэ, археологизэ, топонимиказэ, топографизэ, геральдиказэ, этнографизэ, кылзэ но культуразэ. Ойдо тодматском Удмурт шаерен, со понна визьсынанэн шудом!

«Экскурсоводлэн портфелез» – со экскурсия ортчытыку кутӥськись адӟытон материалъёс, юрттэтъёс. Со юрттӥсь материалъёс папкае яке портфеле понэмын луо, соин ик «экскурсоводлэн портфелез» шуыса нимасько. Татчы быгато пырыны: туспуктэмъёс, географи мутусъёс (картаос), схемаос, чертёжъёс, суредъёс, кыӵе ке кие кутымон арбериос но мукет. Таӵе "портфельёс" юртто котькуд экскурсиез пайдаё, тунсыко но синмаськымон карыны. Туала экскурсиослэн электрон луонлыкъёссы но вань – уже кутыны луэ электрон шудонъёсты, VR-очкиосты но мукет технологиосты.